भाद्र २० । ग्लोबल आइएमई बैंकले नयाँ खाता खोल्दा नियमित सुविधाहरु सहित पाँच वटा थप सुविधा उपलब्ध हुने विशेष योजना सार्वजनिक गरेको छ ।
नयाँ योजना अन्तर्गत बैंकमा खाता खोल्दा आकर्षक ब्याजदर तथा अन्य नियमित सुविधाहरु सँगसँगै डिम्याट खाता, मेरो शेयर, सि–आस्वा, तथा टिएमएस खाता खोल्न आवेदन दिन पाइने जानकारी दिएकोछ ।
ग्लोबल आइएमई क्यापिटलमा धितोपत्रको कारोबार ९खरिदबिक्री० का लागि आवश्यक पर्ने डिम्याट खाता र सोको सञ्चालनको लागि मेरो शेयर, आईपीओ भर्न चाहिने सि–आस्वा रजिष्ट्रेशन नम्बर र जेबीएनएल सेक्युरिटिजमा शेयर बजारमा शेयर खरिद बिक्रीका लागि आवश्यक पर्ने टिएमएस खाता सुविधा ग्राहकले पाउने भएका छन् ।
यो नयाँ सुविधा कम्पनीले सार्वजनिक गरेको डिजिटल युनिभर्समा पनि उपलब्ध गराएको छ । डिजिटल युनिभर्सको माध्यमबाट घरमै बसी आवश्यकता अनुसार यो सुविधा प्रयोग गर्न सकिने कम्पनीले जनाएको छ । यी सेवाहरु कम्पनीको ३५४ वटा शाखा कार्यालयहरुबाट उपलब्ध हुनेछ । नयाँ खाता खोलेर वा आफ्नो भइरहेको खातालाई यस योजनामा परिमार्जन गरेर र निष्क्रिय भएको खातालाई सक्रिय गराएर पनि यस योजनामा सामेल हुन सकिने कम्पनीको भनाइ छ ।
कम्पनीको ३५४ शाखा कार्यालय, ३७९ एटीएम, २५५ शाखारहित बैंकिङ सेवाहरू, ६८ एक्सटेन्सन तथा राजस्व संकलन काउन्टरहरू र ३ वटा वैदेशिक प्रतिनिधि कार्यालयहरू रहेका छन् ।
