दोलागिरि संवाददाता२०८१ भाद्र २१
भाद्र २१, काठमाडौँ । नेपाल पर्यटन बोर्डको सीईओमा पुनः दीपकराज जोशी दोहोरीयाका छन् ।
यसअघि पनि सीईओ रहेका जोशीलाई बोर्ड सञ्चालक समितिको बैठकले बिहीबार दोस्रो पटक सीईओमा नियुक्त गरेको हो । उनी हाल नेपाल उद्योग परिसंघको महानिर्देशकको रूपमा कार्यरत थिए र उनको पर्यटन क्षेत्रमा लामो अनुभव रहेको छ ।
छनोट प्रक्रिया अन्तर्गत जोशीसँगै डा. धनन्जय रेग्मी र ज्ञानेश्वर महतोको नाम पनि सिफारिसमा परेको थियो, तर जोशीले बाजी मारेका छन् ।रेग्मीको कार्यकाल सकिएपछि बोर्ड लामो समयदेखि नेतृत्वबिहीन थियो । जसका कारण चालु आर्थिक वर्षको बजेट निर्माणमा पनि समस्या उत्पन्न भएको थियो । जोशी चार वर्षका लागि सीईओको जिम्मेवारी सम्हाल्नेछन् ।
