कालिकोट । कालीकोटको नरहरिनाथ गाउँपालिका कोटवाडास्थित सुनथराली विमानस्थल सोमबार उद्घाटन हुने भएको छ। उक्त विमानस्थल उद्घाटनको लागि काठमाडौँबाट सोमबार बिहान प्रधानमन्त्री पुष्पकमल दाहाल (प्रचण्ड), नागरिक उड्डयनमन्त्री सुदन किराँती, अखिल समाजवादीका केन्द्रीय अध्यक्ष नरेन्द्र सी लगायतको टोली काठमाडौँबाट कालिकोट विमान अवतरण गर्नेछन ।
उक्त विमानस्थल उद्घाटनको लागि नेपाल कम्युनिस्ट पार्टीको प्रवक्ता प्रकाण्ड सी पनि जाने तय भएको थियो तर प्रवक्ता प्रकाण्ड को अन्य कार्यक्रम तय भएको कारण नेकपाका विद्यार्थी नेता अखिल (समाजवादी)का नवनियुक्त केन्द्रीय अध्यक्ष नरेन्द्र सी लाई पठाएको प्रवक्ता प्रकाण्डको सचिवालयले बताएको छ।
विमानस्थल परीक्षणको लागि प्राविधिक टोलीसहित आज उद्घघाटन पूर्व आइतबार बिहान तारा एयरको ट्विनअटर विमान नेपालगञ्जबाट गएर प्रोभिन फ्लाइट गरेर फर्किसकेको छ । स्थानीय नेकपा कालिकोटले जानकारी दिएको छ ।
२०७९ माघ ११ गते कालोपत्रे सकिए पनि जहाज गएको थिएन । ३८ वर्ष पहिले देखि निर्माण मा रहेको विमानस्थलमा स्थानीय कालिकोट को जनताहरूले प्लेन आउने आस मारिसकेको र आज बिहान तारा एयरलाइन्सको जहाज अवतरण हुँदा त्यहाका जनताको मुहारमा खुशी र हर्ष छाएको नेकपा कालिकोट लेजानकारी दिएको छ।
