दोलागिरि संवाददाता२०८१ चैत्र १३
काठमाडौँ: नेपालको संक्रमणकालीन न्याय प्रक्रिया र द्वन्द्व पीडितहरूको अधिकारसम्बन्धी राष्ट्रिय सम्मेलन बिहीबार राजधानीमा सम्पन्न भएको छ। कार्यक्रममा प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा, र प्रमुख प्रतिपक्षी दल माओवादी केन्द्रका अध्यक्ष पुष्पकमल दाहाल ‘प्रचण्ड’ एकै मञ्चमा उपस्थित भएका थिए।
सम्मेलनमा तीनै नेताले संक्रमणकालीन न्यायलाई निष्कर्षमा पुर्याउने प्रतिबद्धता व्यक्त गरेका छन्। केही दिनअघि मात्र दलहरूबीच सत्य निरूपण तथा मेलमिलाप आयोग (टीआरसी) टुंग्याउने विषयमा सहमति जुटेको थियो। सोही सहमतिअनुसार सरकारका तर्फबाट ओम प्रकाश मिश्रको अध्यक्षतामा सर्च कमिटी गठन गर्ने निर्णय गरिएको थियो।
यो सम्मेलन द्वन्द्व पीडितहरूको न्याय प्राप्तिका लागि महत्वपूर्ण कदम भएको नेताहरूले बताएका छन्।
