भक्तपुर ।भक्तपुर नगरकोट भ्रमण वर्ष २०८२ लाई लक्षित गर्दै चाँगुनारायण नगर प्याब्सनले चाँगुनारायण मन्दिर परिसरमा बधाई तथा शुभकामना कार्यक्रम भव्य रूपमा सम्पन्न गरेको छ।
कार्यक्रममा प्याब्सन नगर, जिल्ला, प्रदेश तथा केन्द्रमा निर्वाचित कार्यसमितिलाई सम्मान गर्दै उनीहरूको सफल कार्यकालका लागि शुभकामना व्यक्त गरेको छ ।
कार्यक्रमका प्रमुख अतिथि प्रदेशसभा सदस्य माननीय सुरेश श्रेष्ठ, विशेष अतिथि चाँगुनारायण नगरपालिकाका नगर प्रमुख जीवन खत्री, तथा अतिथिहरू वडा नं. ३ का अध्यक्ष श्यामसुन्दर धिमाल, वडा नं. १ का अध्यक्ष सिजन कार्की, वडा नं. ४ का अध्यक्ष रोज बहादुर तामाङ रहनुभएको थियो।
त्यसैगरी, प्याब्सनका केन्द्रीय अध्यक्ष कृष्ण अधिकारी, केन्द्रीय पदाधिकारी तथा सदस्यहरू, प्याब्सन प्रदेश, जिल्ला तथा नगरका अध्यक्षहरू, पदाधिकारीहरू एवं सम्पूर्ण सदस्यहरूको उपस्थितिले कार्यक्रमलाई थप भव्य बनाएको जानकारी नगर प्वाब्सन अध्यक्ष टंक सिटौलाले जानकारी दिनु भएको छ ।
उक्त अवसरमा नगरकोट भ्रमण वर्ष २०८२ लाई सफल बनाउन सबैलाई हार्दिक निमन्त्रणा दिएको छ । नगर प्याब्सनले शिक्षाको गुणस्तर अभिवृद्धि गर्दै नगरको पर्यटन प्रवर्द्धनमा समेत योगदान पु¥याउने प्रतिबद्धता समेत व्यक्त गरेको छ।
कार्यक्रमलाई सफल बनाउन निरन्तर लागिपर्नु भएका नगर कार्यसमिति, सदस्य विद्यालयका सम्पूर्ण प्रधानाध्यापक, शिक्षक-शिक्षिका तथा सहयोगीहरू प्रति विशेष आभार व्यक्त गर्दै आयोजकले कार्यक्रमलाई ऐतिहासिक बनाउने सबैलाई धन्यवाद ज्ञापन गरेको छ।
