भक्तपुर, । भक्तपुर नगरपालिका एक श्रृजनागर स्थित मोडर्न स्कुल/कलेजले ३२ औं वार्षिक अभिभावक दिवस–२०८१ भव्य रूपमा सम्पन्न गरेको छ।
विद्यालय परिसरमा आयोजित यस विशेष कार्यक्रममा विद्यालयका शिक्षक, विद्यार्थी, अभिभावक तथा विभिन्न विशिष्ट व्यक्तित्वहरूको सहभागिता रहेको थियो। कार्यक्रममा विद्यालयका विद्यार्थीहरूले साँस्कृतिक प्रस्तुति, नृत्य, गायन तथा विभिन्न सिर्जनात्मक गतिविधिहरू प्रस्तुत गरेका थिए।
विद्यालयका प्रधानाध्यापक तथा अतिथिहरूले अभिभावक दिवसको अवसरमा शिक्षा, अनुशासन तथा विद्यार्थीको भविष्य निर्माणबारे महत्वपूर्ण विचार व्यक्त गरेका थिए। यस अवसरमा विद्यालयले शैक्षिक उत्कृष्टता हासिल गरेका विद्यार्थीहरूलाई सम्मान समेत गरेको थियो।
विद्यालयले ‘शिक्षा शान्ति र समृद्धिको लागि’ भन्ने नारालाई आत्मसात गर्दै आगामी दिनमा थप सिर्जनात्मक गतिविधिहरू सञ्चालन गर्ने योजना अघि सारेको छ।
