काठमाडौँ, चैत्र ५, २०८१ – एनएमबी बैंकले अन्तर्राष्ट्रिय वित्त निगम (आईएफसी) तथा युरोपियन युनियनको ‘एसीएसआईआईएस’ कार्यक्रमसँगको सहकार्यमा तीन दिने विशेष तालिम सम्पन्न गरेको छ।
उक्त तालिम बैंकको दिगो वित्तीय प्राथमिकताका मुख्य तीन क्षेत्र—ऊर्जा, कृषि व्यवसाय तथा साना तथा मध्यम उद्यम (एसएमई) क्षेत्रमा जलवायु वित्त र जोखिम व्यवस्थापनलाई सुदृढ गर्न केन्द्रित थियो।
तालिममा आईएफसीका विशेषज्ञहरू तथा स्थानीय परामर्शदाताहरूको सहकार्यमा बैंकिङ तथा व्यवसाय क्षेत्रमा पर्यावरणीय, सामाजिक तथा सुशासन अभ्यासहरू समावेश गर्ने विषयमा विस्तृत छलफल गरियो। एनएमबी बैंकका व्यवसायिक टोली, ई एण्ड एस तथा जोखिम अधिकृतहरू साथै ग्राहकहरू गरी करिब ९० जनाले तालिममा सहभागिता जनाए।
तालिममार्फत सहभागीहरूलाई वातावरणीय तथा सामाजिक उचित परिश्रम, जैविक विविधता व्यवस्थापन, श्रम अधिकार, भूमि पुनःस्थापना तथा स्रोत दक्षताजस्ता विषयहरूबारे अन्तर्राष्ट्रिय मापदण्डहरूसँग परिचित गराइयो।
एनएमबी बैंकले हाल देशभर २०२ शाखा, १८७ एटीएम तथा ९ एक्सटेन्सन काउन्टरमार्फत उच्चस्तरीय बैंकिङ सेवा प्रदान गरिरहेको छ।
