दोलागिरि संवाददाता२०८१ चैत्र १
काठमाडौं, चैत २ – नागरिक लगानी कोषले आफ्नो ३५औं वार्षिकोत्सवको अवसरमा शनिबार प्रभातफेरी कार्यक्रम आयोजना गरेको छ।
कोषले आगामी चैत ४ गते ३५औं वार्षिकोत्सव मनाउने तयारी गरिरहेको छ। वार्षिकोत्सवलाई थप प्रभावकारी बनाउन कोषले विभिन्न कार्यक्रम गर्दै आएको छ। सोही क्रममा शनिबार बिहान आयोजित प्रभातफेरी कार्यक्रममा कोष सञ्चालक समितिका अध्यक्ष, सदस्य, कार्यकारी निर्देशक तथा सम्पूर्ण कर्मचारीको उत्साहजनक सहभागिता रहेको थियो।
प्रभातफेरी कोष कार्यालय परिसरबाट ब्यानरसहित सुरु भई तीनकुने, सिनामंगल, पुरानो बानेश्वर हुँदै पुनः कोष परिसरमै आएर सम्पन्न भएको थियो।
वार्षिकोत्सवको अवसरमा कोषले विभिन्न खेलकुद तथा रक्तदान कार्यक्रमहरू पनि आयोजना गर्दै आएको छ।
