भक्तपुर, चैत्र १ – नेसनल प्याव्सन भक्तपुरको आयोजनामा पारिजात विद्याकुन्ज स्कुल, चाँगुनारायण-८, भक्तपुरमा अन्तरविद्यालय वक्तृत्वकला प्रतियोगिता भब्यरुपमा सम्पन्न ।
प्रतियोगितामा कक्षा ५ का विद्यार्थीहरूबीच “मोबाइल फोनको सदुपयोग” विषयमा प्रतिस्पर्धा गरेका थिए भने रुबी भ्याली स्कुलका अभिक ढकाल प्रथम स्थान हासिल गर्न सफल भएका छन्। यसैगरी, डेमोस स्कुलकी उपेक्षा तामाङ द्वितीय, मदरल्याण्ड स्कुलकी अग्रता पोखरेल तृतीय, र ईडेन गार्डेनका रोबर्टसन भण्डारी सान्त्वना स्थानमा प्रप्त गर्न सफल भएका छन् ।
त्यस्तै, कक्षा ४ का विद्यार्थीहरूबीच “स्वस्थ परिवार, सुखी समाज” विषयमा प्रतियोगिता सम्पन्न भयो। यस प्रतियोगितामा यूनिटी स्कुलका हिमांशु भट्ट प्रथम भए भने डेमोस स्कुलकी सलोनी तामाङ द्वितीय, रुबी भ्याली स्कुलका सृजन चौलागाईं तृतीय, र ईडेन गार्डेनकी बृश्रुती सापकोटा सान्त्वना स्थान प्राप्त गर्न सफल भएका छन्।
कार्यक्रमका प्रमुख अतिथि तथा नेसनल प्याव्सन भक्तपुरका अध्यक्ष संजय खड्काले विद्यार्थीहरूलाई अवसर प्रदान गर्न विभिन्न प्रतियोगिता आयोजना गर्ने संस्था प्रतिबद्ध रहेको बताए। साथै, वक्तृत्वकला प्रतियोगिता सफलतापूर्वक सम्पन्न गरेकोमा पारिजात विद्याकुन्ज स्कुललाई धन्यवाद दिँदै विजेता तथा सहभागी विद्यार्थीहरूलाई बधाई तथा शुभकामना व्यक्त गरे थिए ।
