दोलागिरि संवाददाता२०८१ मंसिर ३०
काठमाडौं । सुदूरपश्चिम रोयल्सले पोखरा एभेन्जर्सलाई पराजित गरेको छ । नेपाल प्रिमियर लिग अन्तर्गत आज भएको खेलमा पोखरालाई ५ रने पराजित गर्दै सुदूरपश्चिम प्लेअफमा वुगेको हो ।
सुदूरपश्चिमको जितमा न्यूजिल्यान्डका बलर स्कट कुगेलीनले पाँच विकेट लिएका छन् ।
आइतबार भएको खेलमा पोखरा एभेन्जर्सलाई ५ रनले पराजित गर्दै सुदूरपश्चिम प्लेअफमा पुगेको हो । सुदूरपश्चिमले दिएको एक सय ५४ रनको लक्ष्य पछ्याएको पोखराले १४८ रनमा समेटियो ।
पोखराका आन्द्रेस गौसले सर्वाधिक ३६ रन जोडे । रायमन रिफरले ३३ र किरण थगुन्नाले ३२ रन बनाए । बलिङमा स्कट कुगेलेइन एक्लैले ५ विकेट लिए । हर्मित सिंहले ३ र सैब जफरले एक विकेट लिए ।
