दोलागिरि संवाददाता२०८१ भाद्र ७
काठमाडौँ । चितवनको मुग्लिन नारायणगढ सडकखण्डमा शुक्रबार दिउँसो गुडिरहेको बसमाथि ढुंगा खस्दा बस अनियन्त्रित भई पल्टिएकाे छ । बसमा सवार २५ जना घाइते भएका छन् ।
भरतपुर महानगरपालिका २९ सत्रकिलोमा रौतहटको गौरबाट पोखरा जाँदै गरेको ग २ ख ४७ नम्बरको बसमाथि ढुंगा खसेको जिल्ला प्रहरी कार्यालय चितवनका डिएसपी भेषराज रिजालले जानकारी दिएक छन् ।
अचानक बसमाथि ढुंगा खसेपछि चालक आत्तिँदा बस अनियन्त्रित भएर पल्टिएको हो । बसमा सवार २५ जना यात्रु घाइते छन् । घाइतेको भरतपुरका विभिन्न अस्पतालमा उपचार भइरहेको छ ।
