दोलागिरि संवाददाता२०८१ साउन २८
आज प्रधानमन्त्री केपी शर्मा ओली संग निर्वाचन आयोगका प्रमुख आयुक्त दिनेशकुमार थपलियासहित निर्वाचन आयोगको टोलिले स्थानीय तहमा रिक्त पदमा उपनिर्वाचनको तयारीबारे छलफल गरेको छ।
प्रधानमन्त्री तथा मन्त्रिपरिषद्को कार्यालय सिंहदरबारमा भएको छलफलमा आयोगले कीर्तिपुर नगरपालिकाका प्रमुखसहित ३४ रिक्त पदमा आगामी मंसिर तेस्रो साता निर्वाचन गर्न उपयुक्त हुने सुझाव दिएको छ।
प्रधानमन्त्री ओलीले जाडो समयअगावै हुने गरी निर्वाचनको मिति तय गर्न र निर्वाचनमा मितव्ययीता अपनाउन आग्रह गरेका थिए। मिति घोषणाअघि आयोगले सम्बन्धित तहमा मतदाता नामावली अद्यावधिकका लागि आह्वान गर्ने आयोगले जानकारी गराएको छ।
