सुनसरी जिल्लाको बराहा नगरपालिकाको वडा नं. २स्थित सुसौलीघाट, प्राकृतिक सौन्दर्य, धार्मिक महत्त्व र साहसिक संभावनाले भरिएको एक अनौठो स्थल हो। बराहा क्षेत्रको भगवानको आँगनबाट बग्ने सप्तकोशी गंगाको विशाल प्रवाह, सुनौलो साँझमा कोशीको पानीमा बिलाइने सूर्यास्त र हरित तटबन्धको मनमोहक दृश्य यी सबै मिलेर सुसौलीघाटलाई नेपालको सम्भावनायुक्त प्रमुख गन्तव्य बनाउने आधार बनेका छन्।

यही सम्भावनालाई मूर्त रुप दिन Hapi Land कम्पनी द्वारा यहाँ एकीकृत पर्यटन परियोजना विकसित भइरहेको छ। यो परियोजनाको उद्देश्य नेपालमा पहिलो पटक धार्मिक–साहसिक–सांस्कृतिक समन्वयमा आधारित आधुनिक एड्भेन्चर पार्क निर्माण गर्नु हो। हामीले हाल सप्तकोशी किनारमै ATV Bike Riding Zone, Sunset View Deck, Night Camp Island, Desert Safari Route जस्ता पूर्वाधारको काम अघि बढाइरहेका छौँ।

यस परियोजनामा कार्यरत मुख्य टिम बिदेशबाट सिप सिकेर फर्किएका युवाहरूको समर्पित समूह हो—“नेपालमै के गर्न सकिँदैन?” भन्ने आत्मविश्वाससहित। यही भावना लिएर हामी तराईदेखि हिमालसम्म नयाँ–नयाँ पर्यटन गन्तव्य निर्माण गर्ने यात्रामा अग्रसर छौँ।

वर्तमान योजना अनुसार:

१०० मिटर अग्लो बन्जी टावर

सप्तकोशी वारपार गर्ने जिप–लाइन

डीजे हब र साप्ताहिक लाइभ कन्सर्टहरू

साहसिक खेलहरूको विस्तार

देजर सफारी पार्क

गोवा र सान्तोसा पार्कको नमूनामा मनोरञ्जन क्षेत्र निर्माण

स्थानीय कला–संस्कृतिको मौलिक प्रस्तुति

होमस्टे र स्थानीय व्यापारको सशक्तिकरण

हामी अहिले ५ बिघा १० कठ्ठा क्षेत्रफलमा निर्माणमा जुटिरहेका छौँ, र विस्तारका लागि थप जग्गा अधिग्रहणको प्रक्रिया चलिरहेको छ। परियोजनाको वार्षिक आम्दानी लक्ष्य १५ करोड रुपैयाँ राखिएको छ।

सुसौलीघाटलाई धार्मिक–प्राकृतिक–साहसिक–सांस्कृतिक पर्यटनको नयाँ राजधानी बनाउने हाम्रो प्रयासमा, इच्छुक लगानीकर्ताहरूलाई प्रति शेयर ५ लाख मा सहभागी हुन हार्दिक निमन्त्रणा छ।

पर्यटनबाट रोजगार सिर्जना, स्थानीय व्यापार विस्तार, सांस्कृतिक पहिचानको पुनर्जीवन र नेपालको भविष्यमा पर्यटनलाई आधार बनाउने उद्देश्य सहित हामी पारदर्शी, उत्तरदायी र दीर्घकालीन दृष्टिकोणसहित अघि बढिरहेका छौँ।

आउनुहोस्, हातेमालो गरौँ सुसौलीघाटलाई नेपालको पहिलो बहुआयामिक पर्यटन प्रार्कको रूपमा स्थापित गरौँ।