पाल्पा । पाल्पामा जिप दुर्घटना हुँदा ८ जनाको मृत्यु भएको छ । मृत्यु हुनेमा ३ जना पुरुष र ५ जना महिला रहेका छन् ।
डुम्रेबाट चिदीसतर्फ जाँदै गरेको लु १ ज २३७१ नम्बरको मुस्ताङ जिप अनियन्त्रित भई सडकबाट अन्दाजी ३०० मिटर तल खस्दा हालसम्म ८ जनाको मृत्यु भएको हो । दुर्घटनामा १८ जना घाइते भएको जिल्ला प्रहरी कार्यालय पाल्पाले जनाएको छ ।
घाइतेहरूलाई लुम्बिनी मेडिकल कलेज प्रभास ल्याउँदै गरिएको छ । मृतक र घाइतेको भने सनाखत भएको छैन ।
