दोलागिरि संवाददाता२०८० माघ २१
पोखरा । पोखरामा लागूऔषधसहित २ जना पक्राउ परेका छन् । पक्राउ पर्नेमा पोखरा ३० का २२ वर्षीय पुकार छतकुल्ली र पोखरा १५ नयाँ गाउँ बस्ने २९ वर्षीय दोर्जे गुरुङ छन् ।
जिल्ला प्रहरी कार्यालय कास्कीका सूचना अधिकारी डीएसपी श्रवणकुमार विकका अनुसार शनिबार दिउँसो गगनगौडामा सवारी चेकजाँच गर्ने क्रममा उनीहरु पक्राउ परेका हुन् ।
उनीहरुको साथबाट प्रहरीले डाइपाजाम, फेनारगन र नुर्फिन गरी ७२ एम्फुल लागुऔषध बरामद गरेको छ ।
उनीहरुलाई जिल्ला अदालतबाट १० दिनको म्याद थप गरी अनुसन्धान प्रक्रिया अगाडि बढाइएको प्रहरीले जनाएको छ ।
