दोलागिरि संवाददाता२०८१ कार्तिक १४
काठमाण्डौ – काग तिहारको दिन आज बिहान कलाकार रमेश दुलाल (कागे) ले काठमाण्डौमा २१ औँ काग सम्मेलन गर्नुभएको छ ।
विभिन्न जीवजन्तुको दुरुस्त आवाज निकाल्न सक्ने इलामका कलाकार दुलालले अघिल्ला वर्षहरूमा झैँ यो वर्ष पनि कागहरूलाई भेला गराएर सम्मेलन गर्नुभएको हो ।
राष्ट्रिय सङ्गीतकर्मी सङ्घ, केन्द्रीय समिति तथा ग्रीनसिटी अस्पताल बसुन्धाराको सह–आयोजनामा नारायणहिटी अगाडि भएको सम्मेलनमा उहाँले कागको जस्तै आवाज निकालेर सयौँ कागलाई भेला गराउनुभयो ।
उहाँले कागसँग उसको भाषा बुझेर मलाई आपत् पर्यो भन्दै सहयोग मागेर बोलायो भने काग आफुतिर आउँने बताउनुभयो । कागको स्वभावअनुसार बोलाउँदा काग तिहारको बिहान आज कागलाई भेला गर्न सकिएको उहाँको भनाइ छ ।
